Հնդկաստանում տղամարդը 36 տարի որովայնում պահել է իր երկվորյակին․ նրան «հղի տղամարդ» են անվանել
Հնդկական Նագպուր քաղաքում տղամարդը, ով հղիի տեսք ուներ, 36 տարի ապրել է՝ երկվորյակներին փորի մեջ պահելով։ Այս մասին հայտնում է Daily Star-ը։
Հրատարակության տվյալներով՝ Սանջու Բհագատին «հղի տղամարդ» են անվանել, քանի որ նա մեծ փոր ուներ, միևնույն ժամանակ մանկության տարիներին տղամարդը նման խնդիր չի ունեցել։ Փորը սկսել է աճել 20 տարեկանից հետո, երբ նա ամեն օր աշխատում էր ֆերմայում՝ ընտանիքին կերակրելու համար։
Նշվում է, որ աղքատության պատճառով Բհագատը չի դիմել բժշկի։ 1999 թվականին դիաֆրագմայի վրա ճնշումն այնքան ուժեղացավ, որ տղամարդը հազիվ էր կարողանում շնչել, որից հետո նրան շտապ տեղափոխել են Մումբայի հիվանդանոց:
Բժիշկները կասկածում էին, որ Բհագաթը հսկայական քաղցկեղային ուռուցք ունի։ Սակայն վիրահատության ժամանակ վիրաբույժները տղամարդու որովայնի ներսում հայտնաբերել են մարդու, որն ուներ վերջույթներ, սեռական օրգանների մի մաս, ծնոտ և մազեր։
Ինչպես պարզվել է, Բհագատի մոր հղիության ժամանակ մի երկվորյակ առաջացել է մյուսի ներսում։ Սա տեղի է ունենում 500 հազարից մեկ դեպքում։ Երբ մեկ երեխա ծնվում է, երկրորդը շարունակում է ապրել դրա մեջ որպես մակաբույծ։
Նշվում է, որ Բհագատը հրաժարվել է նայել իր երկվորյակին, իսկ վիրահատությունից հետո վերադարձել է իր աշխատանքին։
