Բայրամովը Ուկրաինային 10 միլիոն դոլարի օգնության խոստումներ է տվել
Ադրբեջանն առնվազն 10 մլն դոլար կհատկացնի Ուկրաինայի վերականգնման համար։ Նման հայտարարություն է արել Ադրբեջանի արտաքին գործերի նախարար Ջեյհուն Բայրամովը՝ Մեծ Բրիտանիա կատարած աշխատանքային այցի շրջանակներում Ուկրաինայի վերականգնմանը նվիրված համաժողովում ունեցած ելույթի ժամանակ։
Ինչպես նշել է Բայրամովը, «Ուկրաինայի շուրջ ստեղծված իրավիճակը, որը հանգեցրել է բազմաթիվ զոհերի և հումանիտար աղետի, մեծ վտանգ է ներկայացնում Եվրոպայում խաղաղության և անվտանգության համար։ Այդ կապակցությամբ ընդգծվել է, որ Ադրբեջանը հանդես է գալիս այս ճգնաժամի շուտափույթ լուծման օգտին՝ Ուկրաինայի ինքնիշխանության և տարածքային ամբողջականության շրջանակներում»։
Բայրամովը նշել է, որ Ուկրաինային հատկացվելիք օգնության ընդհանուր գումարը կկազմի առնվազն 10 մլն դոլար։
Այնուհետև, Բայրամովը Հայաստանին մեղադրել է «ականապատ դաշտերի ճշգրիտ քարտեզներ չտրամադրելու մեջ»։
Վերադառնալով քննարկման թեմային՝ ադրբեջանցի նախարարն ասել է, որ Ադրբեջանը մտադիր է Ուկրաինային ականազերծման սարքավորումներ տրամադրել։
