Շուրջ 227.5 մլն դրամի չափով տուգանք՝ ՀԴՄ կիրառման կանոնները խախտած տնտեսվարողներին

ՀԴՄ կիրառման կանոնների խախտած տնտեսվարողները մայիսին տուգանվել են շուրջ 227.5 մլն դրամի չափով։ Այս մասին հայտնում է ՀՀ պետական եկամուտների կոմիտեի մամուլի ծառայությունը։

Մայիս ամսվա ընթացքում ՊԵԿ–ը արձանագրել է, որ 724 հարկ վճարող խախտել է հսկիչ դրամարկղային մեքենաների կիրառման կանոնները։

«Հսկողական միջոցառումների արդյունքում ՀԴՄ կիրառման կանոնների խախտում թույլ տված հարկ վճարողներին ընդհանուր առաջադրվել է շուրջ 227.5 մլն դրամի չափով տուգանք»,– նշված է ՊԵԿ հաղորդագրության մեջ:

ՊԵԿ-ը հրապարակել է նաև ՀԴՄ կանոնների խախտում թույլ տված հարկ վճարողների և տվյալ օբյեկտների ամբողջական ցանկը։