ԱՄՆ Կոնգրեսի 54 ներկայացուցիչ Բայդենից պահանջել են չօգնել Ադրբեջանին և աջակցել Արցախին
ԱՄՆ Կոնգրեսի 54 ներկայացուցիչ ԱՄՆ նախագահ Ջո Բայդենի վարչակազմից պահանջել են դադարեցնել ռազմական օգնությունը Ադրբեջանին և աջակցել Արցախին։ Այս մասին հայտնում է Ամերիկայի Հայ դատի հանձնախումբը։
«ԱՄՆ Կոնգրեսի 54 ներկայացուցիչ, կոնգրեսական Բարբարա Լիի գլխավորությամբ, նամակ են հղել պետքարտուղար Էնթոնի Բլինքենին՝ պահանջելով Ջո Բայդենի վարչակազմից դադարեցնել ռազմական օգնությունը Ադրբեջանին և աջակցել Արցախին և դեմ հանդես գալ Ադրբեջանի կողմից Արցախի շրջափակմանը և հակահայկական ագրեսիային»,- նշվում է հաղորդագրության մեջ։
