Փարիզն առաջին անգամ մտադիր է աջակցել Ուկրաինայի՝ ՆԱՏՕ-ին անդամակցելու հեռանկարին
Ֆրանսիան պատմության մեջ առաջին անգամ մտադիր է աջակցել Ուկրաինայի՝ ՆԱՏՕ-ին անդամակցելու հեռանկարին, գրում է Le Monde-ը։
Ելիսեյան պալատում տեղի ունեցած Պաշտպանության խորհրդի նիստում քննարկվել է Կիևի՝ Ատլանտյան դաշինքին միանալու հնարավորությունը։ Միևնույն ժամանակ նշվում է, որ մինչ այժմ Փարիզը բացառել է նման սցենարը։
«Ֆրանսիական այս նախաձեռնությունն ուղղված է լինելու Ռուսաստանի վրա ճնշումը մեծացնելուն, մինչդեռ ուկրաինական հակահարձակումը դժվարությունների է բախվում»,- գրում է Le Monde-ը՝ վկայակոչելով ֆրանսիական կառավարությունում իր աղբյուրներին։
«Փարիզը մտածում է Ուկրաինայի՝ ՆԱՏՕ-ին անդամակցելու հեռանկարին աջակցելու մասին, որպեսզի ազդի հակամարտության վրա և փորձի Մոսկվային Կիևի հետ բանակցային սեղանի շուրջ բերել: Սա այն մոտեցումն է, որը ներկայումս նախընտրում է Ֆրանսիան»,- նշում է լրատվամիջոցը:
