Անհայտ անձինք թուլացրել են Արին Բերդ-Խարբերդ ջրատարի հիմքը

Հունիսի 18-ին՝ երեկոյան, անհայտ անձինք, փորձելով ապամոնտաժել «Վեոլիա ջուր» ընկերությանը պատկանող ջրատարի հարևանությամբ անցնող ինչ-որ խողովակաշար, հողային աշխատանքներ կատարելիս թուլացրել են Արին Բերդ - Խարբերդ ջրատարի հիմքը, ինչի հետևանքով էլ վթարվել է 600 մմ-ոց թուջե խողովակաշարը: Այդ մասին տեղեկանում է «Վեոլիա ջուր» ընկերությունից:

Ըստ հաղորդագրության՝ այդտեղից են ջուր ստանում Էրեբունի և Շենգավիթ վարչական շրջանների որոշ հատվածներ: Գիշերվանից ընկերության թիմը վթարի վայրում է և փորձում է ինժեներական հատուկ լուծումներով վերականգնել իրարից առանձնացված ջրատարը:

[42275dd3f880c63e0a2e42c1dc363c1d.png]

[796e0d3032605f838c4489f2ac037287.png]