ՏԵՍԱՆՅՈՒԹ․ Տոռնադոյի պատճառով Տեխասում կան զոհեր և վիրավորներ
Տեխասի (ԱՄՆ) հյուսիսային մասում գտնվող Փերիտոն քաղաքին պատուհասած տորնադոյի պատճառով երեք մարդ է զոհվել: Այս մասին NBS-ին հայտնել է տեղի հրշեջ ծառայության ղեկավար Փոլ Դոտչերը։
Նշվում է, որ վիրավորների թիվը տատանվում է 75-100 մարդու սահմանում։
Ազգային օդերևութաբանական ծառայության տվյալներով՝ տորնադոն Փերիտոնին հարվածել է հունիսի 15-ին: Ընդհանուր առմամբ քաղաքում ապրում է մոտ 8,5 հազար մարդ։ Տուժածներ տեղափոխվել են տեղի հիվանդանոց: Որոշների վիճակը ծանր է։
Քաղաքի հյուսիս-արևմուտքից հարավ-արևելք անցած տորնադոյի հիմնական վնասը գրանցվել է քաղաքի արդյունաբերական հատվածում։
Հեռուստաալիքը նշում է, որ ընդամենը վերջին մեկ օրվա ընթացքում յոթ տորնադո է գրանցվել Տեխասում, Օկլահոմայում և Միչիգանում։
