ՏԵՍԱՆՅՈՒԹ․ Ինչպես է ռուս նախկին գործարարը պարաշյուտով անհաջող վայրէջք կատարել և մահացել
ՌԴ Մոսկվայի մարզում՝ Կոլոմնայում պարաշյուտով ցատկելու հետևանքով մահացել է «Եվրոպա + Ռյազան» և «Ռուսական ռադիո - Ռյազան» ռադիոկայանների նախկին սեփականատեր, գործարար Սերգեյ Ցիգանովը։ Այս մասին հայտնում է Ryazinformburo թելեգրամյան ալիքը։
Նշվում է, որ Ցիգանովը ղեկավարել է նաև Ռյազանի «Ինվիտրո» բժշկական կլինիկաների ցանցը։
Գործարարի վայրէջքի հետ կապված միջադեպը տեղի է ունեցել հանգստյան օրերին։ Համացանցում հայտնված տեսանյութում երևում է, թե ինչպես է Ցիգանովը վայրէջք կատարում Մոսկվայի մարզի Կորոբչեևո օդանավակայանում։ Սակայն վայրէջքի ժամանակ պարաշյուտիստի վայրէջքը հարթ չի ընթանում, քանի որ նա անհաջող շրջադարձ է կատարում, որի հետևանքով վնասվածքներ է ստանում։ 51-ամյա գործարարը ընկնելուց հետո մի քանի անգամ շրջվել է։
Ցիգանովը հոսպիտալացվել է։ Չնայած բժիշկների ջանքերին, Ռյազանի երկու ռադիոկայանների նախկին սեփականատերը մահացել է։
