Տեղի հատվածում վիրավորված զինծառայողի վիճակը կայուն ծանր է, վիրահատությունը հարթ է անցել
Սյունիքի Տեղ համայնքի հատվածում երեկ՝ հունիսի 15-ին, ադրբեջանական սադրանքի հետեւանքով վիրավորում ստացած ԱԱԾ սահմանապահ զորքերի զինծառայող Արթուր Ազրոյանի առողջական վիճակն այս պահին գնահատվում է կայուն ծանր։
Այս մասին 24News-ի հետ զրույցում հայտնեցին ԱԱԾ-ից։
«Զինծառայողը վիրահատվել է Զինվորական կենտրոնական հոսպիտալում, վիրահատությունը հարթ է անցել, պլանավորված բոլոր միջոցառումներն իրականացվել են»,- մանրամասնել են ՀՀ ԱԱԾ-ից:
