Մակրոնը Մասկին համատեղ աշխատելու առաջարկ է արել

Ֆրանսիայի նախագահ Էմանուել Մակրոնը մեկ ամսվա ընթացքում երկրորդ հանդիպումն է անցկացրել ամերիկացի ձեռներեց Իլոն Մասկի հետ։ Ֆրանսիացի առաջնորդը Tesla-ի ղեկավարին իր թվիթերյան էջում առաջարկել է «միասին աշխատել»։ 

«Եկեք աշխատենք միասին»,- գրել է Մակրոնը՝ գրառմանը զուգահեռ հրապարակելով Մասկի հետ ձեռքսեղմումով համատեղ լուսանկար։ 

BFMTV-ն հաղորդում է, որ Մակրոնի և Մասկի հանդիպմանը մասնակցել է ֆրանսիացի գործարար Բեռնար Առնոն, ով հունիսի սկզբին հայտնվել է աշխարհի ամենահարուստ մարդկանց երկրորդ շարքում՝ ըստ Bloomberg Billionaires Index-ի (BBI)՝ զիջելով առաջին տեղը միայն Իլոն Մասկին։

Մակրոնի և Մասկի միջև մեկ ամսվա ընթացքում երկրորդ հանդիպումը տեղի է ունեցել Ֆրանսիայում Tesla-ի գործարան բացելու ֆոնին։