Խորապես մտահոգված ենք Ադրբեջանի կրակոցներից ՀՀ-ում ԱՄՆ-ին առընթեր ընկերության 2 աշխատակցի վիրավորվելու հանգամանքով․ Պետդեպ
ԱՄՆ պետդեպարտամենտը մեկնաբանել է Երասխում ադրբեջանական այսօրվա կրակոցները, որի հետևանքով հայկական կողմն ունի երկու վիրավոր:
«Խորապես մտահոգված ենք Ադրբեջանի կրակոցներից Հայաստանում ԱՄՆ-ին առընթեր ընկերության 2 աշխատակցի վիրավորվելու հանգամանքով։ Կրկնում ենք սահմանների երկայնքով զսպվածության մեր կոչը»,- ասել է ԱՄՆ պետդեպի խոսնակ Մեթյու Միլլերը։
Այսօր Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ ադրբեջանական կրակի հետևանքով վիրավորում են ստացել գործարանի կառուցման շինարարական աշխատանքներում ներգրավված Հնդկաստանի քաղաքացիներ Մուհամադ Ասիֆը և Միրհասան Սահաջանը:
