«Ես գաղտնի փաստաթղթեր պահելու բոլոր իրավունքներն ունեցել եմ». Թրամփ

ԱՄՆ նախկին հանրապետական ​​նախագահ Դոնալդ Թրամփը հայտարարել է, որ օրինական իրավունք ունի գաղտնի փաստաթղթեր պահել։ Թրամփը խոսել է իր կողմնակիցների հետ Բեդմինսթերում (Նյու Ջերսի), երբ Մայամիում նրան մեղադրանք է առաջադրվել գաղտնի փաստաթղթերի պահման գործով: Այս մասին փոխանցում է ТАСС-ը: 

«Լրտեսության մասին ակտի համաձայն՝ ԱՄՆ նախկին նախագահի դեմ մեղադրանքները, որով ինձ 400 տարվա ազատազրկում է սպառնում իմ սեփական գրառումները պահելու համար, և ինչն արել է գրեթե ամեն նախագահ, երբևէ եղած ամենասարսափելի և արատավոր գործերից մեկն է։ Լրտեսության մասին օրենքը օգտագործվել է դավաճաններին ու լրտեսներին պատժելու համար և կապ չունի նախկին նախագահի հետ, ով օրինական կերպով պահել է իր փաստաթղթերը։ Լրտեսության մասին օրենքը չէ, որ վերաբերում է նախագահին, այլ նախագահի արձանագրությունների մասին օրենքը, որը չի հիշատակվել այս ծիծաղելի 44 էջանոց մեղադրական եզրակացության մեջ: Նախագահի արձանագրությունների մասին օրենքի համաձայն, որը քաղաքացիական է, ոչ թե քրեական, ես իրավունք ունեի պահել այդ փաստաթղթերը»,- ասել է Թրամփը։

Թրամփը նախկին նախագահ Բիլ Քլինթոնին մեղադրել է գրառումների գաղտնիությունը խախտելու մեջ։ 

«Սպիտակ տնից հեռանալուց հետո Բիլ Քլինթոնը պահել է 79 աուդիոձայնագրություն, որոնք պարունակում են քննարկումներ Հաիթիում ԱՄՆ ռազմական միջամտության, ամերիկյան արտաքին քաղաքականության մասին, պաշտպանական և հարձակողական, Կուբայի վերաբերյալ, նախագահ Քլինթոնի զրույցների ձայնագրություններ այն ժամանակվա բազմաթիվ օտարերկրյա առաջնորդների հետ, նախագահական ճեպազրույցներից առևտրային բանակցությունների վերաբերյալ գաղտնի տվյալներ (նախագահին զեկույցներ կառավարությունից, ռազմական, հետախուզությունից - ՏԱՍՍ-ի նշում) և շատ ու շատ ավելին»,- նշել է նա։

Հիշեցնենք, որ  Մայամիի դատարանը մեղադրանք է առաջադրել Թրամփին` գաղտնի փաստաթղթերի ոչ պատշաճ վարման գործով։ Նախկին նախագահին սպառնում է մինչև 400 տարվա ազատազրկում և մեծ տուգանք։ Սակայն, չնայած մեղադրող կողմին, նա կկարողանա մասնակցել 2024 թվականի նախագահական ընտրություններին։