ՏԵՍԱՆՅՈՒԹ․ Հրթիռային հարձակում Ուկրաինայի բնակելի հինգհարկանի շենքի վրա․ կան զոհեր
Ռուս օկուպանտները պատասխանատվություն են կրելու Ուկրաինայի Դնեպրոպետրովսկի մարզի Կրիվոյ Ռոգի հինգհարկանի շենքի վրա երեկ երեկոյան իրենց կողմից հասցված հրթիռային հարձակման համար։ Այս մասին թելեգրամում հայտնել է Ուկրաինայի նախագահ Վլադիմիր Զելենսկին։
«Ռուս մարդասպանները շարունակում են իրենց պատերազմը՝ բնակելի շենքերի, քաղաքների, մարդկանց դեմ: Ահաբեկիչներին ներում չի լինելու, նրանք պատասխան են տալու յուրաքանչյուր հրթիռի համար»,- հայտարարել է Ուկրաինայի նախագահ Վլադիմիր Զելենսկին:
Հայտնի է, որ երեք մարդ մահացել է, 25 մարդ վիրավորվել է, որից 19-ը՝ բուժհաստատություններում։ Նշվում է, որ փլատակների տակ դեռ մարդիկ կան:
Զելենսկին նաև իր ցավակցությունն է հայտնել բոլոր նրանց, ովքեր կորցրել են իրենց հարազատներին։
