Մեդվեդևը Ռուսաստանի օրը շնորհավորել է Կիևի հրապարակի նկարով
Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը շնորհավորել է ռուսներին Ռուսաստանի օրվա կապակցությամբ՝ իր բլոգում տեղադրելով Կիևի կենտրոնական հրապարակի՝ Մայդան Նեզալեժնոստիի լուսանկարը։
Մեդվեդևը կանխատեսել է, որ Կիևի Մայդան Նեզալեժնոստին շուտով կդառնա ռուսական:
«Անկախության հրապարակ. Շուտով՝ Ռուսաստանի հրապարակ»,- գրել է Մեդվեդևը Telegram-ի իր ալիքում։
1990 թվականից հունիսի 12-ին ընդունվեց ՌՍՖՍՀ պետական ինքնիշխանության մասին հռչակագիրը։ Ի պատիվ այս իրադարձության, 1992 թվականից Ռուսաստանի օրը նշվում է ամեն տարի հունիսի 12-ին պետական մակարդակով:
Նշենք, որ Ուկրաինայում շարունակվում է Ռուսաստանի Դաշնության զինված ուժերի հատուկ գործողությունը։
