ԱՄՆ-ն առաջարկում է ՄԱԿ-ի ԱԽ-ում ընդգրկել հավելյալ վեց մշտական անդամների

ԱՄՆ-ի վարչակազմն առաջարկում է ՄԱԿ-ի Անվտանգության խորհրդում ընդգրկել հավելյալ վեց մշտական անդամների, որոնք վետոյի իրավունք չեն ունենա, գրում է The Washington Post-ը՝ հղում անելով իր աղբյուրներին։ 

Նրանց խոսքով՝ ԱՄՆ նախագահ Ջո Բայդենը մտադիր է վերակազմավորման միջոցով ընդլայնել զարգացող երկրների ազդեցությունը համաշխարհային կազմակերպությունում։ Վաշինգտոնը, պարզաբանում է հրապարակումը, ցանկանում է «վերականգնել վստահությունը» ՄԱԿ-ի Անվտանգության խորհրդի նկատմամբ՝ Ուկրաինայում Ռուսաստանի Դաշնության հատուկ ռազմական գործողության ֆոնին։ 

Բայդենը, ըստ The Washington Post-ի, ձգտում է բարեփոխումներ իրականացնել, քանի որ Նահանգները «խոշոր մարտահրավերների է բախվում ավելի ու ավելի բաժանված» աշխարհում կոնսենսուսի հասնելու հարցում: