ՏԵՍԱՆՅՈՒԹ. Եգիպտոսում զբոսաշրջիկներով նավ է այրվել. կան անհետ կորածներ
Երեք բրիտանացի զբոսաշրջիկ է անհետ կորել, 12-ը փրկվել են կիրակի օրը եգիպտական Կարմիր ծովում նավի վրա բռնկված հրդեհից հետո, գրում է Reuters-ը։
Ըստ Կարմիր ծովի նահանգապետարանի՝ ողջ մնացածների ինքնազգացողությունը լավ է, նրանք տեղափոխվել են Մարսա Ալամ քաղաքից ոչ հեռու։
Նախնական տվյալներով՝ հրդեհը բռնկվել է էլեկտրական անսարքության պատճառով: Կարմիր ծովի նահանգապետարանը հայտնել է, որ նախնական փորձաքննությունները հայտնաբերել են էլեկտրական կարճ միացում շարժիչի սենյակում, մինչդեռ դատախազությունը հետաքննություն է սկսել:
Նշվում է, որ բոլոր փրկվածների ինքնազգացողությունը լավ է:
