Չինաստանի տասնյակ ռազմական ինքնաթիռներ մոտեցել են Թայվանին
Չինաստանի բանակի առնվազն 24 ինքնաթիռ է մոտեցել Թայվանի օդային տարածքին: Այս մասին ասվում է կղզու պաշտպանական գերատեսչության կայքում տեղադրված հաղորդագրության մեջ։
Հրապարակման մեջ ասվում է, որ ի պատասխան Թայվանի ռազմաօդային ուժերն օգտագործել են կործանիչներ, նավեր, ինչպես նաև ցամաքային զենիթահրթիռային համալիրներ՝ Չինաստանի բանակի գործողություններին հետևելու համար:
Հիշեցնենք` Թայվանի շուրջ իրավիճակը սրվեց, երբ ԱՄՆ ներկայացուցիչների պալատի նախկին խոսնակ Նենսի Փելոսին 2022 թվականի օգոստոսին այցելեց կղզի։ Չինաստանը, որը կղզին համարում է իր նահանգը, դատապարտեց այդ այցը՝ հայտարարելով, որ ԱՄՆ-ն աջակցում է թայվանական անջատողականությանը:
