ՏԵՍԱՆՅՈՒԹ․ Թանձր ծխի հաստ շերտ՝ Վաշինգտոնում
Կանադայում սարսափելի անտառային հրդեհները շարունակվում են։ Այս մասին հայտնում է Reuters-ը։
Պարբերականի հաղորդմամբ՝ թանձր ծխի հաստ շերտը հասել է ընդհուպ մինչև Վաշինգտոն։ Երթևեկությունը նվազել է, գնացքներում սովորականից քիչ մարդ կա։ Փողոցում գտնվողներն էլ բժշկական դիմակներ են կրում։ Որոշ ընկերություններ, նույնսիկ, աշխատակիցներին հրահանգել են անցնել հեռավար աշխատանքի: Կասեցվել են նաև քաղաքային որոշ ծառայությունների աշխատանքները։
Ըստ AccuWeather-ի կանխատեսումների՝ սա ԱՄՆ-ի հյուսիս-արևելքում տեղի ունեցող անտառային հրդեհների ամենածանր դեպքն է՝ վերջին 20 տարվա ընթացքում:
Տեղի իշխանությունները մարդկանց շարունակում են հորդորել մնալ տանը, քանի որ անտառային հրդեհներից առաջացած ծուխը կարող է մի շարք շնչառական հիվանդություններ առաջացնել՝ մթնոլորտում մանր մասնիկների բարձր մակարդակի պատճառով:
Հաղորդվում է նաև, որ ըստ Վաշինգտոնի կառավարության տվյալների՝ օդի աղտոտվածության մակարդակը բարձր է «վտանգավոր»-ի մակարդակից:
Հիշեցնենք նաև, որ երեկ՝ հունիսի 8-ին, ԱՄՆ նախագահ Ջո Բայդենը թվիթերյան իր էջում հայտարարել էր, որ 600 հրշեջ և հատուկ սարքավորումներ են ուղարկվել Կանադա՝ սարսափելի անտառային հրդեհների դեմ պայքարելու համար։
