ԱՄՆ-ն 2 միլիարդ դոլարի ռազմական օգնության փաթեթ կտրամադրի Ուկրաինային

Արդեն այսօր, Միացյալ Նահանգները նախատեսում է հայտարարել Ուկրաինային երկարաժամկետ ռազմական օգնության նոր փաթեթի մասին՝ ներառյալ հակաօդային պաշտպանության զինամթերքը՝ ավելի քան 2 միլիարդ դոլար արժողությամբ։ Այս մասին հինգշաբթի  հայտնել է Bloomberg-ը՝ հղում անելով ԱՄՆ վարչակազմի աղբյուրներին։ 

Ըստ նրանց, միջոցները, որոնք կհատկացվեն Ուկրաինայի անվտանգության աջակցության նախաձեռնության (USAI) շրջանակներում, կուղղվեն Hawk զենիթահրթիռային համակարգի արձակման կայաններ և հրթիռներ, ինչպես նաև Patriot հակաօդային պաշտպանության համակարգի երկու տեսակի առաջադեմ հրթիռներ ձեռք բերելու համար. PAC-3-ը արտադրված է Lockheed Martin-ի կողմից և GEM-T-ն՝ արտադրված Raytheon Technologies-ի կողմից: 

ԱՄՆ նախագահ Ջո Բայդենը և Մեծ Բրիտանիայի վարչապետ Ռիշի Սունակը հունիսի 8-ին Վաշինգտոնում կայացած հանդիպման ժամանակ հայտարարել են, որ իրենց երկրները կշարունակեն աջակցել Ուկրաինային Ռուսաստանի հետ շարունակվող պատերազմում։ 

Վաշինգտոնը կտրամադրի անհրաժեշտ ֆինանսավորումը այնքան ժամանակ, քանի դեռ Մոսկվան չի դադարեցրել իր ագրեսիվ ներխուժումը հարևան երկիր, խոստացել է Բայդենը։ Սունակն իր հերթին ընդգծել է, որ Ուկրաինայի կողմնակիցները պետք է ՌԴ նախագահ Վլադիմիր Պուտինին հստակ ազդանշան տան, որ նա չպետք է սպասի Կիևին տրամադրվող օգնության ավարտին։