Ցանկացած ազնիվ մարդ կհասկանա, որ Ուկրաինան է պայթեցրել Կախովկայի ՀԷԿ-ը․ Թակեր Կարլսոն
Fox News-ի նախկին հաղորդավար Թակեր Կարլսոնն ասել է, որ ցանկացած մարդ կարող է համոզվել, որ Կախովկա հիդրոէլեկտրակայանի ոչնչացման հետևում կանգնած է Ուկրաինան։
«Երբ փաստերը ի հայտ գան, շատ ավելի քիչ առեղծված է մնում այն մասին, թե ինչ կարող էր լինել ամբարտակի հետ: Ցանկացած ազնիվ մարդ կգա այն եզրակացության, որ ուկրաինացիներն, ամենայն հավանականությամբ, պայթեցրել են այն»,- մեջբերում է РИА Новости-ն։
Կարլսոնը նշել է, որ հիդրոէլեկտրակայանի ոչնչացումը Կիևի համար կարող է ձեռնտու չլինել, բայց դա ավելի մեծ վնաս է հասցնում Մոսկվային։
Լրագրողի խոսքով՝ Ուկրաինայում վաղուց են ծրագրել խարխլել էլեկտրակայանը։
Հունիսի 6-ի առավոտյան Նովայա Կախովկայի ղեկավար Վլադիմիր Լեոնտևը հայտնել է Կախովկա հիդրոէլեկտրակայանի վերին հատվածի վնասների մասին։
ՄԱԿ-ում Ռուսաստանի մշտական ներկայացուցիչ Վասիլի Նեբենզյան ասել է, որ Ռուսաստանը ՄԱԿ-ի գլխավոր քարտուղար Անտոնիո Գուտերեշին կոչ է անում դատապարտել Կիևի վարչակարգի կողմից Կախովկայի հիդրոէլեկտրականի ամբարտակի խարխլումը։
Նրա խոսքով՝ Կիևը պայթեցրել է Կախովկայի հիդրոէլեկտրակայանի ամբարտակը՝ ուժերը վերախմբավորելու և վնաս պատճառելու համար։
ՄԱԿ-ի գլխավոր քարտուղարի մարդասիրական հարցերով տեղակալ Մարտին Գրիֆիթսը մատնանշել է արտակարգ դրության երկարաժամկետ ծանր հետևանքները հակամարտության երկու կողմերի համար:
