ՏԵՍԱՆՅՈՒԹ․ Վիրջինիայում ավարտական արարողության ժամանակ հրաձգություն է տեղի ունեցել. կա 2 զոհ, 5 վիրավոր
ԱՄՆ Վիրջինիայի նահանգի Ռիչմոնդ քաղաքի ավագ դպրոցներից մեկում ավարտական արարողության ժամանակ հրաձգություն է տեղի ունեցել, որի հետևանքով 2 մարդ զոհվել է, 5-ը՝ վիրավորվել: Այս մասին հայտնում է CNN-ը, նշելով, որ դեպքը տեղի է ունեցել հունիսի 6-ի երեկոյան։
Ըստ ոստիկանության՝ Ռիչմոնդի Մոնրո զբոսայգում հրաձգությունից փախչելիս վնասվածքներ են ստացել նաև այլ մարդիկ: Նրանց թվում է նաև 9-ամյա մի աղջիկ, որին հարվածել է մեքենան: Զոհերից մեկը 18-ամյա շրջանավարտ էր, մյուսը՝ արարողությանը ներկա 36-ամյա տղամարդ: Ոստիկանությունը նախ 2 մարդու է ձերբակալել, սակայն ավելի ուշ պարզվել է, որ նրանցից մեկն առնչություն չունի միջադեպի հետ: Կասկածյալը19-ամյա երիտասարդ է: Հրաձգությունից հետո ոստիկանները մի քանի ատրճանակ են առգրավել:
