Կոսովոյի նախագահը Սերբիայի նախագահին «դրամայի արքա» է անվանել
Չճանաչված Կոսովոյի նախագահը Reuters-ին տված հարցազրույցում Սերբիայի նախագահին «դրամայի արքա» է անվանել։
«Իր հանդիպումների մեծ մասում Վուչիչն իրեն պահում է դրամայի արքայի պես»,-ասել է նա։
Նրա խոսքով՝ Մոլդովայում իր հետ հանդիպման ժամանակ, որը կազմակերպվել էր Ֆրանսիայի նախագահ Էմանուել Մակրոնի եւ Գերմանիայի կանցլեր Օլաֆ Շոլցի կողմից, Վուչիչը փորձել է «բավականին շատ դրամա ստեղծել», սակայն չի ներկայացրել որեւէ գաղափար, որը կնպաստի տարածաշրջանում խաղաղությանն ու կայունությանը:
Նա նաեւ քննադատել է Սերբիայի նախագահին «հիստերիաներ» անելու համար։
«Նա սիրում է ձեւացնել, թե մեծ զիջումների է գնում, որ չափազանց մեծ ճնշում է գործադրվում իր վրա, որ տառապում է, որ վտանգի տակ է եւ այլն։ Բայց նման հիստերիաները պետք է թողնել սենյակից դուրս չորս տարեկանից հետո»,-նշել է նա։
Հիշեցնենք, որ հունիսի 4-ին Սերբիայի նախագահ Ալեքսանդր Վուչիչը հայտարարել էր, որ ամեն օր 200-ական սպանության սպառնալիքներ է ստանում:
