Տոյվո Կլաարը Երևանում է
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը Երևանում է, նրան այսօր ընդունել է փոխվարչապետ Մհեր Գրիգորյանը։
Ըստ փոխվարչապետի գրասենյակի՝ Գրիգորյանն ու Կլաարը քննարկել են տարածաշրջանային զարգացումները, այդ թվում՝ Երասխ-Ջուլֆա-Մեղրի-Հորադիզ երկաթուղային հաղորդակցության վերականգման և կազմակերպման հեռանկարները, սահմանազատման և սահմանային անվտանգության հարցերով հանձնաժողովի հետագա աշխատանքների հետ կապված հարցեր:
Նախքան ժամանումը Կլաարը Թվիթերում գրել էր՝ «մեկնում Երևան՝ շարունակելու Եվրամիության բարձր մակարդակի ներգրավվածությունը»։
ԵՄ հատուկ ներկայացուցիչը Երևանից կմեկնի Բաքու։
