Կրիվոյ Ռոգի (Кривой Рог, քաղաք Ուկրաինայի Դնեպրոպետրովսկի մարզում) բնակիչները խուճապի մեջ են, նրանք մեծ քանակությամբ խմելու ջուր են գնում խանութներից՝ ջրի մատակարարման հետ կապված խնդիրների պատճառով: 

Քաղաքապետ Օլեքսանդր Վիլկուլը հայտնել է, որ քաղաքի ջրամատակարարման պոմպերի մի մասը շարքից դուրս է եկել, որից հետո տեղի բնակիչները  խուճապահար սկսել են ջուր գնել: 

Ջրամատակարարման խնդիրները սկսվել են Կախովսկայա հիդրոէլեկտրակայանի փլուզմամբ, Դնեպրի վերին հոսանքի հատվածում ջրի մակարդակի նվազման պատճառով։ Նշենք, որ երկկողմանի մեղադրանքներ են հնչում ՀԷԿ-ի պայթեցման համար: 

Հիշեցնենք՝ այսօր՝ հունիսի 6-ին փլուզվել է Խերսոնի մարզում գտնվող Կախովկայի հիդրոէլեկտրակայանի ամբարտակը։ Կախովկայի ավերված ՀԷԿ-ի ջուրը հեղեղել է Խերսոնի շրջանի բնակավայրերը: ՀԷԿ-ի վնասման պատճառով բարձրացել է Դնեպրի ջրի մակարդակը։ Կադրերում, որոնք նկարահանվել են, ենթադրաբար, Խերսոնի Օստրով շրջանում, երևում է, որ փողոցներով կուղբեր են զբոսնում։