Էրդողանը նախատեսում է փոփոխել Թուրքիայի սահմանադրությունը

Թուրքիայի նախագահ Ռեջեփ Թայիփ Էրդողանը հայտարարել է, որ մտադիր է սահմանադրության մեջ փոփոխություններ մտցնելու վերաբերյալ առաջարկ ներկայացնել խորհրդարանին։ Այս մասին գրում է РИА Новости-ը։

Ավելի վաղ Էրդողանը հայտարարել էր, որ Թուրքիային անհրաժեշտ է նոր սահմանադրություն, որը կլինի երկրի հետագա զարգացման բանալին, իսկ հիմնական օրենքի նոր տարբերակի պատրաստումը շարունակվում է։ 

Թուրքիայի ղեկավարը կոչ է արել երկրի բոլոր քաղաքական ուժերին ակտիվորեն մասնակցել նոր սահմանադրության նախագծի մշակմանը։ Էրդողանը նշել է, որ Թուրքիայի ներկայիս սահմանադրությունն ընդունվել է 1982 թվականին և այլևս չի համապատասխանում մեր ժամանակի մարտահրավերներին՝ չնայած մի շարք փոփոխություններին։ 

«Մենք ևս մեկ անգամ խորհրդարանին կներկայացնենք սահմանադրությունը փոփոխելու մեր առաջարկը, որը թարմացրել ենք ընտրություններից առաջ»,- ասել է Էրդողանը նախարարների նորացված կաբինետի առաջին նիստից հետո ժողովրդին ուղղված ուղերձում։