Բլինքենը կմեկնի Չինաստա՞ն․ Reuters
ԱՄՆ պետքարտուղար Էնթոնի Բլինքենը առաջիկա շաբաթներին կմեկնի Չինաստան՝ բանակցությունների համար։ Այս մասին գրել է Reuters-ը՝ հղում անելով ամերիկացի պաշտոնյայի։
Պաշտոնյան չի մանրամասնել ժամկետը։ Միևնույն ժամանակ նշվում է, որ պետդեպարտամենտը չի հաստատել որևէ ծրագիր։
«Մենք չունենք ճամփորդություն, որի մասին պետք է հայտարարի քարտուղարը․ ինչպես նախկինում ասել ենք, այցը Չինաստանի Ժողովրդական Հանրապետություն կվերածրագրվի, երբ պայմանները թույլ տան»,- ասել է պետդեպի մամուլի փոխխոսնակ Վեդանտ Պատելը:
Նախատեսված այցի մասին ավելի վաղ հաղորդել է Bloomberg News-ը։
