Բայդենը մտահոգված է Կախովկայի ՀԷԿ-ի մասին հաղորդագրություններով

ԱՄՆ նախագահ Ջո Բայդենի վարչակազմը խիստ մտահոգված է Կախովկայի ՀԷԿ-ի ավերման մասին հաղորդագրություններով և փորձում է պարզել տեղի ունեցածի հնարավոր հետևանքները, գրում է Reuters-ը՝ հղում անելով իր աղբյուրին։

«Բայդենի վարչակազմի ներկայացուցիչն այսօր հայտնել է, որ ԱՄՆ–ն շատ մտահոգված է այն բանից հետո, երբ Ռուսաստանի վերահսկողության տակ գտնվող ամբարտակը ճեղքվել է... և փորձում է պարզել հնարավոր ազդեցությունը», - նշվում է հրապարակման մեջ:

Կախովկայի ՀԷԿ–ի վերին հատվածը քանդվել է հունիսի 6-ի գիշերը տեղի ունեցած հրետակոծությունների պատճառով, բայց ջրամբարը չի ավերվել։

Ուկրաինական զորքերը ՀԷԿ–ի ուղղությամբ հարվածներ հասցրել են «Օլխա» համազարկային կրակի ռեակտիվ համակարգերի հրթիռներով, ինչից հետո ջրի չկարգավորված արտահոսք է սկսվել։