Ադրբեջանցի զինվորականները Թուրքիայում կմասնակցեն զորավարժությունների

Թուրքիայի Քոնյա քաղաքի ավիաբազայում մեկնարկել են «Anatolian Phoenix 2023» միջազգային որոնողափրկարարական զորավարժությունները՝ տարբեր երկրների զինվորականների մասնակցությամբ։ 

Ինչպես հայտնում են ադրբեջանական լրատվամիջոցները, վկայակոչելով Ադրբեջանի պաշտպանության նախարարությանը, միջազգային զորավարժություններին, որոնք կտևեն մինչև այս տարվա հունիսի 16-ը, Ադրբեջանը կներկայացնեն օդաչուները, տեխնիկական անձնակազմը և ադրբեջանական օդուժի ինքնաթիռները, ինչպես նաև ռազմածովային ուժերի անձնակազմը և հատուկ ջոկատայիններ։