Հայտնի է Հնդկաստանում գնացքների բախման պատճառը
Հնդկաստանում գնացքների բախումը տեղի է ունեցել «էլեկտրոնային արգելափակման համակարգի խափանման» հետևանքով:
Հնդկաստանի Օդիշա նահանգում գնացքների բախման հետևանքով զոհերի թիվը գերազանցել է 300-ը, ավելի քան 1100-ը՝ վիրավորվել։
Տեղի հիվանդանոցներն այժմ գերծանրաբեռնված են։ Մյուս նահանգներից բժիշկները շարունակում են ժամանել տարածաշրջան։ Մոտ 100 հոսպիտալացվածի վիճակը գնահատվում է ծանր։
Դեպքի վայրում արդեն իսկ իրականացվում են վերականգնողական աշխատանքներ։ Դրանցում ներգրավված է ավելի քան 1000 մարդ և հատուկ տեխնիկա։
Մարդկանց շարունակում են դուրս բերել բախված գնացքների ներսից եւ հավանաբար, թե վիրավորների եւ թե զոհերի թիվը կարող է ավելանալ։
