Հայտնի է դարձել, թե օրական քանի մարդ է փորձում լքել Ուկրաինան

«Ամեն օր Ուկրաինայում մոտ 20 մարդ է բերման ենթարկվում, որոնք փորձում են ապօրինի հատել սահմանը»,- ասել է երկրի սահմանապահ ծառայության ներկայացուցիչ Անդրեյ Դեմչենկոն։ 

Ըստ նրա, որին հղում է անում ՌԻԱ Նովոստին, օրական մոտ 150 հոգու եւս մերժում են դուրս գալ։

Սահմանապահ ծառայության ներկայացուցչի խոսքով՝ Ուկրաինայից հեռանալու փորձի ժամանակ մարդիկ հաճախ կեղծում են փաստաթղթեր, որոնք իրենց հեռանալու իրավունք են տալիս։ Այսպիսով, տղամարդկանց համար դրանք կարող են լինել կնոջ կամ հոր մահվան մասին փաստաթղթեր, մինչև18 տարեկան երեք երեխաների առկայության մասին կամ բժշկական պատճառներով զինվորական ծառայության համար ոչ պիտանիության մասին վկայական:

Հիշեցնենք, որ հունիսի 1-ից Ուկրաինայում սկսել են գործել մոբիլիզացիոն նոր կանոններ, որոնց համաձայն՝ քաղաքացիներից պահանջվում է զինվորական ծառայության գրանցում ստանալ 16 տարեկանից, հայտնել էր փաստաբան Տատյանա Մոնտյանը։ Նա նշել  է, որ այս ամսվանից ծանուցումներ կուղարկվեն նույնիսկ, այսպես կոչված «սպիտակ վկայականներ» ունեցողներին։