Ռուսաստանցի քննիչը բիթքոյիններով՝ ռեկորդային չափի կաշառք է ստացել

Մոսկվայի Տվերսկոյե շրջանի քննչական կոմիտեի ղեկավար Մարատ Տամբիևը 1,6 միլիարդ ռուբլու կամ 24 մլն դոլարի չափով՝ բիթքոյններով, կաշառք է ստացել հաքերներից, որոնց գործը նա վարում էր։

[3775dfaf4fa037fe97882abe1a9e4acd.jfif]

Երեք հաքերներ գումար են փոխանցել քննիչին, որպեսզի նա կալանքի տակ չդնի ամբաստանյալների ունեցվածքը, գրում է Коммерсант-ը։

Գումարը հայտնաբերվել է խուզարկության ժամանակ առգրավված Տամբիևի նոութբուքը ուսումնասիրելուց հետո։ Քննիչի նկատմամբ քրեական գործ է հարուցվել առանձնապես խոշոր չափերով կաշառք ստանալու դեպքի առթիվ։ 

Հունիսի 5-ին դատարանը կքննի հաքերներից ստացված գումարի բռնագանձման վերաբերյալ դատախազության հայցը։ Ռուսաստանի քննչական կոմիտեն քննիչին վարկաբեկող արարք կատարելու համար ազատել է աշխատանքից։

1,6 միլիարդ ռուբլու կաշառքը ռեկորդային է ռուսական ուժային կառույցների համար, նշում է լրատվամիջոցը։