ՆԱՏՕ-ի գլխավոր քարտուղար Յենս Ստոլտենբերգը մտադիր է շաբաթ օրը՝ հունիսի 3-ին, այցելել Անկարա՝ մասնակցելու Թուրքիայի վերընտրված նախագահ Ռեջեփ Թայիփ Էրդողանի երդման արարողությանը։ Այս մասին հայտնում է Hürriyet թերթը։

Իշխող «Արդարություն և զարգացում» կուսակցության  գլխավորած Հանրապետական ​​դաշինքի միասնական թեկնածու Էրդողանը քվեարկության երկրորդ փուլում վերընտրվել է Թուրքիայի նախագահի պաշտոնում։

«ՆԱՏՕ-ի գլխավոր քարտուղար Յենս Ստոլտենբերգը շաբաթ օրը կժամանի Անկարա՝ մասնակցելու նախագահ Էրդողանի երդման արարողությանը»,- նշում են լրատվամիջոցները։

Դաշինքի գլխավոր քարտուղարի՝ Թուրքիայի մայրաքաղաք կատարած այցի շուրջ այլ մանրամասներ դեռևս չեն հաղորդվում։