Փաշինյանն ու Էրդողանը կհանդիպե՞ն․ թուրքական աղբյուրներ
ՀՀ վարչապետ Նիկոլ Փաշինյանն ու Ռեջեփ Թայիփ Էրդողանը վաղը կհանդիպեն Թուրքիայում։ Այս մասին հայտնել են մի շարք թուրքական աղբյուրներ։
Հանդիպմանը քննարկվելու են հայ-թուրքական, հայ-ադրբեջանական հարաբերությունների կարգավորման հարցերը։
Հիշեցնենք, որ Նիկոլ Փաշինյանը հունիսի 3-ին Անկարայում ներկա կլինի Թուրքիայի նախագահ Էրդողանի երդմնակալության արարողությանը։
Թուրքիայի նախագահ Ռեջեփ Թայիփ Էրդողանի երդմնակալության արարողությունը տեղի է ունենալու վաղը՝ հունիսի 3-ին:
Միջոցառմանը մասնակցելու են 20 երկրների ղեկավարներ և 45 նախարարներ։
Հիշեցնենք` մայիսի 28-ին Թուրքիայիում նախագահական ընտրությունների երկրորդ փուլի ձայների նախնական հաշվարկի ավարտից հետո Փաշինյանը Twitter-ի իր էջում շնորհավորել էր Էրդողանին ՝ հայտնելով համատեղ աշխատանքի պատրաստակամություն «հանուն պետությունների միջև հարաբերությունների լիարժեք կարգավորման»:
Ավելի վաղ թուրքական լրատվամիջոցները հայտնում էին, որ Հայաստանի վարչապետ Նիկոլ Փաշինյանը հնարավոր է` մասնակցի Թուրքիայի նախագահ Ռեջեփ Թայիփ Էրդողանի երդմնակալության արարողությանը:
