Արևմուտքում սպառվում են զենքերը, որոնք կարող էին Կիև ուղարկվել

Մեծ Բրիտանիայի և Ուկրաինայի մյուս դաշնակիցների մոտ սպառվում են  սպառազինության  պաշարները, որ նրանք կարող են տրամադրել Կիևին: Հայտարարել է Մեծ Բրիտանիայի պաշտպանության նախարար Բեն Ուոլեսը։ Այս մասին գրում է ТАСС-ը: 

Նրա խոսքով՝ Ուկրաինայի դաշնակիցները ստիպված են ավելի շատ զենք գնել Կիևի համար, քանի որ չեն կարող այն ապահովել ազգային պաշարներից։ Միաժամանակ Մեծ Բրիտանիայի պաշտպանության նախարարության ղեկավարն ընդգծել է, որ Արևմուտքը դեռևս մտադիր է զենք և ֆինանսավորում տրամադրել Ուկրաինային՝ առանց Կիևին Մոսկվայի հետ բանակցությունների մղելու։

Ավելի վաղ ՆԱՏՕ-ի գլխավոր քարտուղար Յենս Ստոլտենբերգը Bloomberg-ին տված հարցազրույցում ասել էր, որ դաշինքի երկրները պետք է մեծացնեն զենքի արտադրությունը, քանի որ սպառազինության պաշարները սպառվել են Կիևին մատակարարումների պատճառով։