Շատ ուրախ եմ, որ ՀՀ-ում կան մուսուլմանական մզկիթներ․ Փաշինյան

Հայաստանի հասցեին կա քննադատություն, որ Հայաստանը մոնոէթնիկ երկիր է։ Դժվար է հասկանալ՝ դա ինչ մեղադրանք է։ Այս մասին ժողովրդավարության հայկական ֆորումի ժամանակ ասել է ՀՀ վարչապետ Նիկոլ Փաշինյանը։

Նա նշել է, որ ուրախությամբ են արձանագրում, որ խորհրդարանում ազգային փոքրամասնությունները ներկայացած են և սա շատ լարևոր ինստիտուցիոնալ առանձնահատկություն է:

«Նաև շատ ուրախ եմ, որ Հայաստանում կան ոչ միայն քրիստոնեական տաճարներ, այլև մուսուլմանական մզկիթներ, եզդիական հավատքի տաճարներ։ Սա չափազանց կարևոր է»

Ինչպես ընդգծել է վարչապետը, Հայաստանում կա և՛ հայ կաթոլիկ համայք, և՛ ավետարանական, և՛ հայ առաքելական։

«Ես չեմ կարծում, որ այսօր որևէ ուղղությամբ, որևէ համայնք կարող է ասել, որ իր կրոնական ազատությունները ոտնահարվում են», -նշել է Փաշինյանը: