Ռուսաստանը ժամանակավոր արգելք է դրել քաղաքացիական և ծառայողական զենքերի համար նախատեսված պարկուճների և փամփուշտների արտահանման վրա։ Այս մասին գրում է Vedomosti-ին` հղում անելով ՌԴ կառավարության կայքին։

Նշվում է , որ փաստաթուղթը ստորագրվել է մայիսի 27-ին եւ ուժի մեջ է մտել այսօր՝ մայիսի 31-ին։ Արգելքը կգործի մինչև 2023 թվականի դեկտեմբերի 31-ը։ Հրամանում ներառված չեն փամփուշտներ և պարկուճներ՝  նախատեսված Ռուսաստանի զինված ուժերի, այլ զորքերի և ռազմական կազմավորումների գործունեությանն աջակցելու համար։

Ձեռնարկվող միջոցառումներն ուղղված են «պետության շահերի պաշտպանությունն ապահովելուն»։ 

Նախարարների կաբինետի մամուլի ծառայությունը պարզաբանել է, որ այս բանաձևը պատրաստվել է որպես պատժամիջոցների տակ գտնվող քաղաքացիներին և բիզնեսին աջակցելու միջոցառումների շարքի մասին ՌԴ նախագահ Վլադիմիր Պուտինի հրամանագրի կատարման մաս։ Սույն հրամանագիրը ստորագրվել է 2022 թվականի մարտի 8-ին։