Արցախում հրադադարի ռեժիմի խախտում է գրանցվել․ ՌԴ ՊՆ

ԼՂ Մարտակերտի շրջանում հրադադարի պահպանման ռեժիմի խախտման դեպք է արձանագրվել։ Այս մասին նշվում է ՌԴ ՊՆ տեղեկագրում։  

«Տուժածներ չկան։ Ռուսական խաղաղապահ զորախմբի հրամանատարությունը ադրբեջանական և հայկական կողմերի հետ հետաքննություն է անցկացնում այս փաստի առնչությամբ»,- նշվում է տեղեկագրում։  

Երեսուն դիտակետերում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը։

Տեղեկացվում է նաև, որ ՌԴ խաղաղապահների ավտոմոբիլային տրանսպորտով Ստեփանակերտ Է հասցվել 292,5 տոննա մարդասիրական օգնություն։ Հիշեցնենք, որ ռուս խաղաղապահները մայիսի 30-ին Մարտակերտի շրջանում ևս արձանագրել էին հրադադարի խախտման դեպք։