2021-ի «մուրճ ու մանգաղի» ընտրությունները բարդ քաղաքական իրավիճակի արտահայտություն էին. Փաշինյան
Ես միանշնակ համաձայն եմ ձեւակերպման հետ, որ ազատ ընտրությունները բավարար չեն ժողովրդավարություն ունենալու համար: Այս մասին, այսօր՝ մայիսի 31-ին, Երեւանում ընթացող Ժողովրդավարության հայկական ֆորումի ժամանակ ասել է ՀՀ վարչապետ Նիկոլ Փաշինյանը:
«Շատ կարեւոր է, որ ժողովրդավարությունն ու ազատ ընտրությունները բերեն ժողովրդավարական ինստիտուտների կայացման: Առանց դրա հնարավոր չէ ժողովրդավարությունը դարձնել ինստիտուցիոնալ: Այս իմաստով մեծ մարտահրավերներ ունենք դատական իշխնության անկախության առումով, շատ էական եմ համարում ժողովրդավարական քաղաքական մշակույթի ձեւավորումը»,-հայտնել է նա:
Փաշինյանը հիշել է 2021-ի ԱԺ արտահերթ ընտրություններում «մուրճ ու մանգաղի» կիրառմամբ ընթացող քարոզարշավը՝ նշելով, որ դա բարդ քաղաքական իրավիճակի արտահայտություն էր:
