Այսօր վաղ առավոտյան ԱԹՍ-ներով հարվածներ են հասցվել Մոսկվայի մարզի ուղղությամբ։  

Մոսկվայի Լենինսկի պողոտայի տներից մեկի բնակիչը պատմել է, որ անօդաչու թռչող սարքը մտել է 14-րդ հարկի իր բնակարան, որտեղ երեք մարդ է եղել։ Բարեբախտաբար պայթյուն չի եղել և տուժածներ չկան։ 

Դրոնի կտորներ հայտնաբերվել են նաև Պրոֆսոյուզնայա փողոցում գտնվող շենքի 16-րդ հարկի բնակարաններից մեկում։ Դրոնը կոտրել է պատուհանը։ Բարեբախտաբար զոհեր և վիրավորներ չեն եղել։

Եվս մեկ այդպիսի դեպք է տեղի ունեցել Ատլասովա փողոցի 25-րդ հարկի բնակարանում։ 

Հիշեցնենք՝ ըստ նախնական տվյալների Մոսկվայի վրա անօդաչու թռչող սարքի հարձակման հետևանքով տուժածներ չկան։