Լեհաստանի նախագահը շնորհավորանքում Էրդողանի փոխարեն նշել է ֆուտբոլային ակումբի երկրպագուի էջը

Լեհաստանի նախագահը սոցցանցի իր էջում թուրքերեն նման շնորհավորանք է հրապարակել, սակայն թուրք առաջնորդի էջին հղում կատարելու փոխարեն Դուդան նշել է Ստամբուլի «Բեշիքթաշ» ֆուտբոլային ակումբի երկրպագուի էջը։ Ավելի ուշ շնորհավորանքները հեռացվել են, իսկ էջում հայտնվել է նոր հաղորդագրություն՝ ճիշտ հղումով։ 

«Շնորհավորում եմ Ռեջեփ Թայիփ Էրդողանին նախագահական ընտրություններում տարած հաղթանակի կապակցությամբ: Այս տարի մենք նշում ենք Թուրքիայի Հանրապետության հիմնադրման 100-ամյակը և Լեհաստանի և Թուրքիայի հանրապետությունների միջև բարեկամության պայմանագրի ստորագրման 100-ամյակը: Մենք պատրաստ է համագործակցել տարածաշրջանային անվտանգության ապահովման, ՆԱՏՕ-ի զարգացման և Եվրոպայում խաղաղության ապահովման գործում»,- գրել է Դուդան։ 

Հիշեցնենք, որ մայիսի 28-ին Թուրքիայում կայացել է նախագահական ընտրությունների երկրորդ փուլը։ Ռեջեփ Թայիփ Էրդողանը հավաքել է ձայների ավելի քան 52%-ը։