Արևմտյան լրատվամիջոցները` Էրդողանի վերընտրման մասին

Արևմտյան լրատվամիջոցները անդրադարձել են Էրդողանի վերընտրվելու թեմային: Politico-ն գրում է, որ Էրդողանը, հերթական անգամ մտնելով հնգամյա ժամկետի իշխանավարման շրջան, բոլոր հնարավորություններն ունի՝ ազդելու ոչ միայն երկրում ժողովրդավարության զարգացման ուղղության, այլև տարածաշրջանում և դրանից դուրս քաղաքականության ձևավորման վրա։

Ըստ Washington Post-ի` Թուրքիայի արտաքին դաշնակիցները, ներառյալ՝ ԱՄՆ-ն, պետք է ևս հինգ տարի աշխատեն «փշոտ գործընկերոջ» հետ, որն օգտագործել է հարաբերությունները միջազգային խաղացողների հետ ներքին քաղաքական շահերի համար:

New York Times-ն էլ գրում է, որ  Էրդողանի համար հաղթանակը հեշտ չէր. նախագահի ժողովրդականությունը խարխլվել է ցավալի ճգնաժամի, ինչպես նաև քննադատության պատճառով, որին կառավարությունը բախվեց փետրվարյան երկրաշարժի ժամանակ ձեռնարկված միջոցառումների պատճառով: