«Ամեն քայլափոխի փողոցներ ու մայրուղիներ են փակվում, որպեսզի Փաշինյանը որևէ տեղ լուսանկարվի». Մանուկյան
«ՀՀ-ում քաղաքացիները, ոստիկանների մեծ թիվ տեսնելով, պատկերացնում են՝ էդտեղով անցնելու է Նիկոլ Փաշինյանը: Գրեթե ամենօրյա ռեժիմով՝ հազարավոր ոստիկաններ, պարեկային ծառայության մեքենաներ ՀՀ-ի ու Երևանի տարբեր հատվածներ շրջափակում են, օրինակ, երեկ՝ Սարդարապատում, որ Փաշինյանն արարողակարգով հայտնվի մի տեղ: Բյուջեի կատարողականի վերլուծության մեջ ունե՞ք թվային համեմատականի որևէ պատկեր՝ ՀՀ ՆԳՆ բյուջեի հատկացումների քանի՞ տոկոսն է առանձնացվում Փաշինյանի՝ ՀՀ տարածքում առանց քաղաքացիների հետ տրանսպորտային կամ ֆիզիկական շփման, փոխադրվելու համար»,- բյուջետային քննարկման ժամանակ դիմելով ՆԳՆ գլխավոր քարտուղար Արա Ֆիդանյանին՝ հարցրել է ԱԺ «Հայաստան» խմբակցության պատգամավոր Գեղամ Մանուկյանը:
Պաշտոնյան ասել է, որ ոստիկանությունն իրականացնում է հասարակական կարգի պահպանություն և անվտանգության ապահովում:
