ՏԵՍԱՆՅՈՒԹ. Վոլգոգրադում Ղուրանը այրելու համար ձերբակալված երիտասարդին տեղափոխել են Չեչնիա
ՌԴ-ի Վոլգոգրադ քաղաքում Ղուրանը այրելու համար կալանավորված Նիկիտա Ժուրավելին տեղափոխել են Չեչնիա, Գրոզնիի քննչական մեկուսարանում նրան դիմավորել են շրջանի վրդովված բնակիչները՝ «Ձեռքերը Ղուրանից» պաստառներով, հայտնում է РИА Новости-ի թղթակիցը։
«Մենք այսօր հավաքվել ենք այստեղ՝ ցույց տալու ողջ աշխարհին, որ չենք վիրավորելու մեր երկրի և կրոնի ավանդական արժեքները: Մենք պաշտպանելու ենք բոլոր հիմնական կրոնները նույնիսկ մեր կյանքի գնով: Մենք շատ ուրախ ենք, որ այս մարդուն տեղափոխեցին մեր հանրապետություն, մենք նրան կուղղենք, ցույց կտանք, որ նա սխալ է, նրան ոչ ոք չի խոշտանգի և չի սպանի։ Վստահ եմ, որ մեկ ամսից նա արդեն բոլորովին այլ մտքեր կունենա»,- ասել է Գրոզնիի բնակիչներից մեկը։
Ավելի վաղ ուժայինները Վոլգոգրադում ձերբակալել էին տեղի բնակչի՝ մզկիթի դիմաց Ղուրանի այրման ակցիայի համար։ Ինչպես հայտարարել են Մեծ Բրիտանիայում, կասկածյալը խոստովանել է, որ դա արել է փողի համար՝ Ուկրաինայի հատուկ ծառայությունների ցուցումով։
