ԱՄՆ Կոնեկտիկուտ նահանգում սև արջը ներխուժել է կոնֆետների խանութի պահեստ՝ վախեցնելով ձեռնարկության աշխատակիցներին, որից հետո կերել է 60 քափքեյք և դիմել փախուստի, հայտնում է Associated Press-ը։

Միջադեպը տեղի է ունեցել Ավոն քաղաքում, երբ պահեստում բեռնման աշխատանքներ են իրականացվել՝ հրուշակեղենի հետագա առաքման համար։

Որոշ ժամանակ անց բանվորներին հաջողվել է մեքենայի շչակի ձայներով վախեցնել կենդանուն։ Միջադեպի արդյունքում ոչ ոք չի տուժել։