Բրազիլիայի նախկին նախագահը մեղավոր է ճանաչվել կոռուպցիայի գործով

Բրազիլիայի Գերագույն դատարանը մեղավոր է ճանաչել նակին նախագահ (1990-1992) եւ սենատոր Ֆերնանդու Աֆոնսու Կոլոր դի Մելուին, որին վերագրվում են պասիվ կոռուպցիա եւ փողերի լվացում 2010-2014թթ.։ Այս մասին հայտնում է Ria.ru-ն: 

«Դաշնային գերագույն դատարանի լիագումար նիստը... դատապարտել է նախկին սենատոր Ֆերնանդու Կոլոր դի Մելուին BR Distribuidora-ի (վառելիքի վաճառքի Petrobras նավթագազային դուստր ձեռնարկության) հետ կապված հանցագործության համար։ Դատարանն ապացուցված է համարել, որ նախկին խորհրդարանականը բիզնեսմեններ Լուիս Պերեյրա Դուարտե դե Ամորիմի եւ Պեդրո Պաուլո  Բերգամասկի դե Լեոնի Ռամոսի օգնությամբ ստացել է 20 մլն ռեալ պետական ընկերության եւ UTC Engenharia-ի միջեւ ապօրինի գործարքի կնքման համար»,- նշվել է դատարանի կայքում տեղադրված տեղեկությունում։

Պասիվ կոռուպցիայի եւ փողերի լվացման նախնական մեղադրանքներին ավելացվել է հանցավոր գործարքին միանալու մեղադրանքը։ Դատավճիռը կհրապարակվի մայիսի 31-ին։

Գործով զեկուցող դատավոր Էդսոն Ֆաչինը ամբաստանյալի համար պահանջել է 33 տարվա ազատազրկում, տուգանք եւ փոխհատուցման վճարում, գույքի առգրավում՝ կապված հանցագործության հետ, եւ պետական ծառայության արգելում։