ՏԵՍԱՆՅՈՒԹ. ԱԺ-ում Հակոբ Արշակյանը ձայնագրություն է միացրել

ԱԺ փոխխոսնակ Հակոբ Արշակյանը, ի պատասխան ընդդիմադիրների ելույթներին, ձայնագրություն  է միացրել՝ Ռոբերտ Քոչարյանի, ով այդ ժամանակ Արցախի նախագահն էր, և Լևոն Տեր-Պետրոսյանի՝ 2008թ. ելույթների վերաբերյալ: 

«Խոսքը, ըստ էության, 7 շրջանների մասին էր: Սրանք այն տարածքներն են, որոնք ընդդիմության ներկացուցիչները և ենթադրաբար անձամբ Ռոբերտ Քոչարյանը, ով իրենց առաջնորդում է, կոչում է հայրենիք»,-ասել է Հակոբ Արշակյանը:

Լևոն Տեր-Պետրոսյանը 2008թ ունեցած  ելույթում ասում էր, որ կհրապարակի 10 տարի թաքցված փաստ, մեծագույն դավադրություն ՀՀ-ի հանդեպ, դա Մեղրիի և Ղարաբաղի փոխանակման հարցն է: 

«ՀԺ թերթում տպագրված է այն պայմանագիրը, որ Ռոբերտ Քոչարյանը, Վարդան Օսկանյանը, այն ժամանակ անվտանգության նախարար Սերժ Սարգսյանը պատրաստվում էին ստորագրել Ադրբեջանի հետ»,-ասել էր առաջին նախագահը:

Սերժ Սարգսյանն էլ ձայնագրությունում նշում էր, որ ՀՀ-ն համաձայն է ԼՂ տարածքում կրկնակի հանրաքվե անցկացնելուն, և դա փոխզիջում է:

Ձայնագրությունից հետո Արշակյանը հարցրել է ընդդիմադիրներին.

«Ղարաբաղը հայրենիք է, իսկ Մեղրին՝ ո՞չ. այդ ինչպե՞ս էր կարելի Մեղրիի շրջանը փոխանակել Ղարաբաղի հետ և ո՞րն է ձեր հայրենիքը»:

Մանրամասները` տեսանյութում: