Հազարավոր մարդիկ հավաքվել էին Քիշնևի «Եվրոպական Մոլդովա» Ազգային ժողովի հրապարակում։ Նրանք հանդես են գալիս Սահմանադրության մեջ Եվրամիությանն անդամակցելու անշրջելիության վերաբերյալ փոփոխությունների ընդգրկման կողմնակից։ Նախագահ Մայա Սանդուն ելույթ է ունեցել հրապարակում։ Նա հայտարարել է, որ Մոլդովայի տեղը ԵՄ-ում է։

«Մենք եկել ենք ուղիղ ու վստահ ասելո, որ մոլդովացիները եվրոպացիներ են։ Մոլդովայի տեղը Եվրամիությունում է: Մեր երկրի նախագիծն ու նպատակն է, որ Մոլդովան դառնա Եվրամիության անդամ։ Սա միայն իմ պարտավորությունը չէ, դրանում մենք ունենք Եվրամիության աջակցությունը։ Սա այն է, ինչ պահանջում է Մոլդովայի Հանրապետության ժողովուրդը»,- ասել է Մայա Սանդուն, նրա խոսքերը մեջբերում է publika.md-ն։

Եվրախորհրդարանի նախագահ Ռոբերտա Մեցոլան հանրահավաքում ասել է, որ Մոլդովան պատրաստ է անդամակցել Եվրամիությանը։

«Ինտերֆաքս»-ի թղթակցի փոխանցմամբ՝ հրապարակում հավաքվել է ավելի քան 50 հազար մարդ։ Հանդիպման արդյունքում կազմվել է բանաձև, որում նշվում է, որ ԵՄ-ին անդամակցելը միակ ճանապարհն է, որը «կարող է կայունություն բերել երկրին  և  հնարավորություն տալ Մոլդովայի Հանրապետության զարգացմանը, ինչը թույլ կտա ապագա սերունդներին իրացնել իրենց ներուժը, հարստություն կուտակել, արդիականացնել երկիրը և վարել լիարժեք կյանք»:

Միաժամանակ Մոլդովայի չորս քաղաքներում եվրաինտեգրման  դեմ բողոքի ցույցեր են անցկացվում: Դրանք կազմակերպել է ընդդիմադիր «Շոր» կուսակցությունը։