Ի՞նչու են Չինաստանը, Ղրղզստանը և Ուզբեկստանը նոր երկաթուղի կառուցում առանց Ռուսաստանի մասնակցության
Չինաստանը, Ուզբեկստանը և Ղրղզստանը փաստաթուղթ են ստորագրել Ռուսաստանը շրջանցող երկաթուղու կառուցման հաջորդ քայլերի մասին։
Նոր տրանսպորտային երթուղին պետք է միացնի Չինաստանը Եվրոպայի հետ, իսկ Բիշքեկում բացվել է նախագծային գրասենյակ՝ ճանապարհի շինարարությունը համակարգելու համար։ Ծրագրի հիմնավորումն առաջարկել է չինական կողմը՝ Չինաստանից ավելի քան 200 մասնագետներ ժամանել են Կենտրոնական Ասիայի երկրներ՝ գնահատելու 454 կմ երկարությամբ մայրուղու կառուցման առաջիկա աշխատանքները։ Հյտնում է rtvi.com-ը:
Այսպիսով, այս երկրները կարող են ավելի կարճ ճանապարհ ունենալ դեպի Եվրոպա։
Նոր ճանապարհի կառուցման մասին համաձայնագիրը ստորագրվել է 2022 թվականի սեպտեմբերի 14-ին՝ Սամարղանդում կայացած Շանհայի համագործակցության կազմակերպության գագաթնաժողովի շրջանակներում։ Նոր փաստաթուղթը կսահմանի ծրագրի իրականացման հաջորդական քայլերը, ինչպիսիք են նախագծման մանրամասն մշակումը, հետազոտությունը, ներդրումային և ֆինանսավորման մոդելի սահմանումը:
