Դիվանապետ Արշակ արքեպիսկոպոս Խաչատրյանն արձագանքել է Փաշինյան հայտարարությանը
Նախօրեին Նիկոլ Փաշինյանը հերթական հայտարարությունն է արել եկեղեցու վերաբերյալ: Նա, մասնավորապես, ասել է. «եթե եկեղեցին ուզում է զբաղվել քաղաքականությամբ, թող ստեղծեն կուսակցություն»:
MediaHub-ի հետ զրույցում Մայր Աթոռի Դիվանապետ Արշակ արքեպիսկոպոս Խաչատրյանն արձագանքել է այս հայտարարությանը՝ լակոնիկ․
«Եթե ոմանք ուզում են եկեղեցագիտությամբ զբաղվել, ապա կարող են փորձել ընդունվել Հոգևոր ճեմարան, եթե, իհարկե, հաղթահարեն ընդունելության համար սահմանված կրթական շեմը և համոզիչ փաստարկներ ներկայացնեն առողջական բարվոք վիճակի վերաբերյալ»:
Հիշեցնենք, որ Նիկոլ Փաշինյանը նաև հայտարարել էր, որ չկա ավելի վտանգավոր բան, քան երբ եկեղեցին ու պետությունը խառնվում են իրար և եկեղեցին չի կարող բարձր լինել պետությունից:
