Տիկին Գայանեի կալանքի միջնորդությունը կքննվի այսօր՝ ժամը 13։00-ին․ փաստաբան

44-օրյա պատերազմում զոհված Ժորա Մարտիրոսյանի մոր՝ Գայանե Հակոբյանի նկատմամբ կալանքի միջնորդության քննությունը շարունակվելու է այսօր ժամը 13:00-ին՝ Շենգավիթի դատարանում: Այս մասին տեղեկացնում է փաստաբան Ռուբեն Մելիքյանը։

«Էն աստիճան հագեցած օր էր, որ նույնիսկ քնել չեմ կարողանում։ Հիշեցնեմ, որ տիկին Գայանեի նկատմամբ կալանքի միջնորդության քննությունը շարունակվելու է այսօր ժամը 13:00-ին՝ Շենգավիթի դատարանում», - գրել է նա։

Նշենք, որ քննիչը ներկայացրել է կալանքի միջնորդություն, դատարանը այն քննելու է ձերբակալման բողոքի հետ միասին: Տիկին Գայանեի վիճակը վատացել է, նրա համար շտապօգնության մեքենա են կանչել դատարան:

Մինչև լուսաբաց, չնայած ցրտին, բազմաթիվ մարդիկ անցկացրել են Երևանի ընդհանուր իրավասության դատարանի դիմաց՝ իրենց աջակցությունը հայտնելով զոհված զինծառայողի մորը, որին կասկածում են Նիկոլ Փաշինյանի որդուն՝ Աշոտ Փաշինյանին առևանգելու մեջ։